用咗BitComet已经好耐了，都唔记得几多年了，同时亦唔记得忍咗几多年了。
BitComet有一个功能就是将DHT节点收集，并系关闭果阵保存到dhtnodes.dat里边。
呢个功能出发点系好的，我都觉得有必要，不过呢，佢带来的后果系启动程序同任务果阵吃死宽带，大量UDP连接。
使用程序默认设置，UDP连接上千个，本地网络即刻玩完。当然啦，忍一阵就好了，毕竟佢只系用UDP来确认DHT节点有冇效。
（玩过UDP炸弹未？就是用你的宽带炸佢的宽带，例如用光纤炸ADSL。依家你是自己炸自己。）
1，修改UDP连接数量
BitComet的高级设置提供咗修改每秒UDP数量，newwork.max_udp_pkt_per_sec，默认是100，改成10就好多了。不过依家峰值数量为400左右，再改细意义都唔大了。
另外，系UDP呢方面，cFosSpeed都帮唔乜忙了，唔好指意佢。
2，锁定dhtnodes.dat
rules目录有个dhtnodes.dat文件，依家删咗佢，新建一个同名的dhtnodes.dat文件，然后将佢的权限留两个用户组，“system”可以完全控制，“Everyone”读以和执行，读取。
用咁的方法限制将DHT节点写入到文件里边，以后启动程序就唔会有大量UDP连接了。
节点只要种子文件里边有，再加上主流的软件都支持用户交互发现，一般唔使烦的。
